QI MEN DUN JIA ឈីមិនតុនជែ វគ្គសិក្សាឆ្នាំ២០២៤

ឈីមិនតុនជា ត្រូវបានគេប្រើប្រាស់នៅជួរកងទ័ពក្នុងពេលសង្គ្រាមនាយុគសម័យបុរាណ​ ដើម្បីយកឈ្នះលើគូបដិបក្ស។ ក្បួននេះត្រូវបានគេស្រាវជ្រាវឃើញថាវាមានអាយុកាលតាំងពី២៦៩៧ឆ្នាំមុនគ្រឹស្តសករាជមកម៉្លេះ។

តែការប្រើប្រាស់របស់វាមិនត្រូវបានគេបើកចំហរនោះទេ ដោយសារភាពអស្ចារ្យរបស់វាអាចនាំអោយរាស្ត្រឡើងធ្វើស្តេច ដែលវានឹងមានបញ្ហាដល់គ្រួសាររាជវង្ស និងមន្ត្រីការជាន់ខ្ពស់នានា។

មនុស្សល្បីល្បាញដែលពូកែប្រើឈីមិនតុនជែជាងគេ មាន៖ ជូកឺលាង ក្នុងសម័យកាលនគរទាំងបី និងលីវប៉ូវិន ក្នុងសម័យរជ្ជកាលស្តេចឈីង។

ឆ្លងកាត់រាប់សតវត្សមក យុទ្ធសាស្ត្រ ការប្រើប្រាស់ និងប្រជាប្រិយ៍ភាពរបស់ ឈីមិនតុនជែ មិនត្រូវបានគេប្រើសម្រាប់តែក្នុងសង្គ្រាមប៉ុណ្ណោះទៀតទេ ប៉ុន្តែបច្ចុប្បន្នគេប្រើប្រាស់វាសម្រាប់ដឹងពីកត្តារាសីនិងគន្លឹះក្នុងជីវិត ព្រមទាំងព្យាករណ៍លើ ទ្រព្យសម្បត្តិ មុខជំនួញ មុខរបរការងារ ការប្រលង ការសម្ភាសន៍ សម្ព័ន្ធភាព និងសុខភាព ។ល។

សម្រាប់វគ្គនេះនឹងនាំអោយបងប្អូនស្គាល់អំពីកត្តារាសីខ្លួនឯង គន្លឹះអាថ៌កំបាំងក្នុងជីវិត និងកម្លាំងឋាមពលដែលមានស្រាប់ក្នុងដួងរាសីពីកំណើត ដើម្បីដោះស្រាយវិញ្ញាសារជីវិតអោយសមប្រកប។